Колл-борборго кайрылгандар көбөйдү
- 4 года мурун
Июнь айында коронавируска байланыштуу суроолор менен жарандардын кайрылуусу кескин өстү.
Ушуга байланыштуу, 21-июнда республикалык штабдын жана саламаттык сактоо министрлигинин чечими менен мобилдик бригадалар күнү-түнү иштөө тартибине өттү.
-Бүгүнкү күндө 118 ыкчам номери боюнча 14 линия 24 саат бою иштеп кеңеш берүүдө. Мындан сырткары, үй-бүлөлүк медицина борборлорунда ишеним телефондору иштөөдө. Жарандар жашаган жери боюнча ҮМБ кайрылып, кеңеш ала алыша”, — деп билдирди Бишкек мэриясынын саламаттык сактоо шаардык башкармалыгынын башчысы Бактыгүл Исмаилова.
Анын айтымында, колл-борборго кайрылгандардын 50 пайызы медицинага байланыштуу эмес, кеңеш алуу максатында кайрылгандар, бир телефон чалууга кеңеш берүү 15-20 мүнөткө чейин созулат.
Бүгүн, 22-июнга, карата өлкөдө бир суткада COVID-19 вирусунун 205 учуру катталды.
Коронавируска чалдыккандардын жалпы саны 3356га жетти.
Өткөн суткада айыгып, ооруканадан чыккандар 10 киши болду. Айыгып кеткендердин жалпы саны 2021 болду.
3 бейтап COVID-19 инфекциясынан каза болду. Жалпы каза болгондордун саны 40 кишини түздү.