Ош ооруканасына барууну каалагандардын паспорту жана жолдомо кагазы болушу керек

Жаңылыктар

Айыл жергесинен Ош шаарынын ооруканасына кайрылууну каалаган жарандардын жанында паспорту (паспортунун көчүрмөсү) жана жашаган аймагындагы ооруканадан жолдомо кагазы болсо, санитардык-карантиндик посттордон тоскоолдуксуз өтө алышат.

Бул тууралуу Ош шаарынын коменданты Малик Нурдинов билдирди.

«Биз ооруп жаткан адамдарга жардам берүүгө милдеттүүбүз” деди Кара-Суу, Ноокат райондорунун жана Ош шаарынын коменданты Малик Нурдинов.

Коронавирус коркунучуна байланыштуу 25-марттан тартып, Бишкек, Ош, Жалал-Абад шаарларында, Ноокат, Кара Суу, Сузак райондорунда өзгөчө абал киргизилген.

29-мартта Кыргызстанда коронавирус инфекциясын жуктурган 26 жаӊы учур катталды. Бардыгы 84 болду.

Анын ичинен Жалал-Абадда -39, Ош облусунда -33 учур катталды.

Сүрөт: Республикалык штаб.


ЖаңылыктаркоронавирусКыргызстанОшөзгөчө абалКара-СууНоокат