Жаза аткаруу кызматы камактагылар менен жолугушууга убактылуу тыюу салды

Жаңылыктар

Жаза аткаруу кызматы камактагылар менен жолугушууга убактылуу тыюу киргизди.

Бул тууралуу алардын басма сөз кызматы билдирди.

Ошондой эле мекеменин ичинде маданий, спорттук жана башка массалык иш-чараларга тыюу салынды.

“Атайын контингентке тез бузулуучу азык-түлүк берүүнү жана кабыл алууну убактылуу токтотту. Тез жана узак мөөнөттүү жолугушуу токтоду, бир гана тергөө жана башка кылмыш-процессуалдык кодексинин иш-аракеттери уланууда. Мекемеде санитайзер жана абаны тазалоочу жабдыктар орнотулду. Кызматкерлер жана имаратка киргендер дезинфекциялык каражат жана медициналык беткап менен камсыз болду. Мекемеде жетиштүү өлчөмдө азык-түлүк, дары-дармек жана башка зарыл керектүү нерселер бар” деп айтылат билдирүүдө.

Жалал-Абад облусунун Сузак районунун үч тургунунан коронавирус табылган. Алар Сауд Арабиясына кичи ажылыкка барып келген. Ал үчөө менен бир учакта 135 киши келген. Алардын баары обсервацияга алынган.

Сүрөт: Жаза аткаруу кызматынын басма сөз кызматы.

Жаңылыктаркоронавирусзажа аткаруу кызматычаралар