Сузактагы айылдарга блок-посттор коюлду
- 4 года мурун
Райондун карантин жарыяланган Бостон, Благовещенка жана Орто-Азия айылдарындагы 19 жерге блок-посттор коюлду.
Бул тууралуу облустук ички иштер башкармалыгынын башчысы Кылыч Жолдошев Жалал-Абадда өткөн басма сөз жыйынында билдирди.
«Ал айылдарда адамдардын кирип чыгышына чектөө киргизилет. Сыртан келген адамдар болсо артка кайтарылып жатат. Жергиликтүү тургундарга бул боюнча тушүндүрүү иштери жүргүзүлүүдө. Кырдаалга байланыштуу блок-посттордун саны дагы көбөйүшү мүмкүн», — деди Жолдошев.
18-мартта Сузакта өзгөчө кырдаал жарыяланды. Буга райондун 70, 62, 42 жаштагы үч тургунунан коронавирус табылганы себеп болду. Алар Сауд Арабиясына кичи ажылыкка барып келген.
Сүрөт: gov.kg
Муну бөлүшүү
