Мамлекеттик ишмер Мейраждин Зулпуев дүйнөдөн кайтты
- 4 года мурун
Коомдук жана мамлекеттик ишмер Мейраждин Зулпуев 78 жашка караган курагында дүйнөдөн кайтты.
Бул тууралуу Президенттин басма сөз кызматы билдирди.
Мейраждин Зулпуев 1961-1966-жылдары Москва шаарындагы гидромелиоративдик институтта билим алып, инженер-гидротехник адистигине ээ болгон.
1992-жылы Кыргыз Республикасынын суу чарба жана мелиорация министри болуп иштеген.
1992-1993-жылдары өкмөттө мамлекеттик катчы, вице-премьер министр кызматтарын аркалап, 1993-1996-жылдары суу чарба жана мелиорация министри болуп иштеген.
2002-жылы ААК «Кыргызсуудолбоор» ишканасында ишин баштап, 2005-жылдан бери директорлор кеңешинин төрагасы болуп эмгектенген.
1979-1985-жылдары Кыргыз ССРинин Жогорку Кеңешинин депутаты болуп шайланган.
Зулпуев Мейраждин өмүрүн суу чарба жана ирригация тармагына арнап, анын жетекчилиги менен өлкөбүздөгү миңдеген гектар жерге суу каналдары тартылып, жердин асылдуулугу арткан.
