ТИМ: Круиз лайнериндеги кыргызстандык ооруканадан чыкты
- 4 года мурун
Японияда «Diamond Princess» круиз лайнеринен коронавирус жугузду деген кыргызстандык ооруканадан чыгарылып, Токиодогу жатаканага жаткырылды.
Бул тууралуу тышкы иштер министрлигинин маалымат департаменти билдирди.
-Кыргызстандыкка япон госпиталынын медициналык сертификаты берилди, анда коронавирус инфекциясы жок экени тастыкталган.
Ал азыр Токио шаарында эркин жүрө алат.
Эгер аны Мекенине жиберүү чечими кабыл алынса, Кыргызстандагы санитардык-эпидемиологиялык талаптарга ылайык, 14 күнгө медициналык кароого алынат, -деп билдирди ТИМ маалымат департаменти.
Круиздик Diamond Princess лайнеринде коронавирус жуктурган кишилердин арасында кыргызстандык да бар экендиги кабарланган. Алар Японияда, Иокогамада карантинге алынган.
Муну бөлүшүү
