Чыгыш Казакстанда учак кулады
- 4 года мурун
26-февраль күнү түшкө маал Өскемен шаарына (Усть—Каменогорск) жакын Прапорщиково айлында Ан-2 үлгүсүндөгү учак кулады. Бул тууралуу Чыгыш Казакстан облусунун Өзгөчө кырдаалдар боюнча департаменти билдирди. Бортто беш адам болгон.
Жергиликтүү басылмалар аймактын саламаттык сактоо башкармалыгынын жетекчисин орунбасары Владимир Лиге таянып, учкуч сынык-жараат бөлүмүнө жаткырылганын, калган төрт жүргүнчүнүн жарааты жеңил болгондуктан үйүнө жиберилгенин кабарлашты.
«Орлан 2000» авиакомпаниясына таандык Ан-2 учагы Чыгыш Казакстан облусунун борборунан санитардык тапшырманы аткаруу үчүн учкан. Кырсыкка учактын кыймылдаткычы күйүп кеткени себеп болгон.
Сүрөт: расмий веи сайт
Муну бөлүшүү
