Мектепке электрондук каттоо алты шаарда иштей баштады
- 4 года мурун
Мектепке электрондук каттоо системасы 15-февралдан тартып алты шаарында иштей баштады: Бишкек, Ош, Жалал-Абад, Кызыл-Кыя, Токмок жана Кара-Балта.
Бул тууралуу билим берүү жана илим министрлиги билдирди.
Электрондук каттоо 15-августка чейин уланат.
Министрлик «Бул система балдарды биринчи класска кабыл алууда коррупциялык схемаларды азайтат. Ошондой эле ал ата-энелер үчүн да ыңгайлуу» деп эсептейт.
Жаңы окуу жылында жогорудагы алты шаарда 32 миң бала мектепке барары пландалууда.
Мектепке электрондук каттоо пилоттук долбоору 2019-2020-окуу жылында Бишкек шаарында башталган. Анын жардамында борбордогу мектептерге 19 126 окуучу биринчи класска кабыл алынган.
Муну бөлүшүү
