Жергиликтүү кеңештерге депутаттыкка талапкерлер көрсөтүлүүдө
- 4 года мурун
12-апрелге дайындалган жергиликтүү кеңештердин депутаттарына талапкерлерди көрсөтүү жүрүүдө.
Бул тууралуу БШК маалымат кызматы кабарлады.
Маалыматта айтылгандай, 21 жашка толгон, жалпы орто билимден төмөн эмес билими бар, тиешелүү администрациялык-аймактык бирдиктин жергиликтүү жамаатынын мүчөсү жергиликтүү кеңештин депутаты болуп шайланууга укуктуу.
Шаардык кеңештерге депутаттыкка талапкерлердин тизмесин каттоо добуш берүү күнүнө чейин 30 календардык күн калганда (2020-жылдын 13-мартына чейин), айылдык кеңештерге – добуш берүү күнүнө чейин 20 календардык күн калганда (2020-жылдын 23-мартына чейин) аяктайт.
2020-жылдын 12-апрелине дайындалган шайлоо 30 жергиликтүү кеңеште өтөт.
Жергиликтүү кеңештердин депутаттарын шайлоонун календары менен БШКнын сайтынан же шилтемеге өтүп, кеңири таанышууга болот.
Баткен, Жалал-Абад, Нарын, Ысык-Көл, Чүй, Ош облустарынын жана Ош шаарынын жергиликтүү кеңештеринин депутаттарын шайлоолор 12-апрелге белгиленди.
