Айыл чарба министри өзү курулушчу болсо, көрсөткүчтөр төмөн болбой анан...

Жаңылыктар

Айыл чарба, тамак-аш өнөр жайы жана мелиорация министрлиги өз демилгеси менен бир да долбоорду ишке ашырган жок.

Бул тууралуу биринчи вице-премьер-министр Кубатбек Боронов мекеменин 2019-жылдагы иштеринин жыйынтыгы боюнча өткөрүлгөн кеңейтилген коллегияда билдирди.

«Силерге караштуу 428 730 ишкана жана чарба бар. Бирок алардын ишмердүүлүгүнөн түшкөн салык 2% гана түзөт. 2019-жылдын жыйынтыгы боюнча ИДПдагы айыл чарбанын үлүшү болгону 2,6% түздү. Силер ал тургай өз планыңарды 3% толтура алган жоксуңар. Кайсы бир учурда бул көрсөткүч 42% жеткен. Мындай көрсөткүчтөн кийин биз агрардык өлкөбүз деп баса айтуу кыйын» деди Боронов.

Эркинбек Чодуев айыл чарба жана тамак-аш өнөр жайы жанга мелиорация министрлигине 2019-жылдын май айында келген.

Анын талапкерлигин министрликке тандап жатканда депутаттар айыл чарба министрлигине көрсөтүлгөн Эркинбек Чодуевдин кесиби курулушчу экенин, эми гана агрардык университеттин 3-курсунун студенти болуп жаткандыгын сындашкан эле.

Премьер-министр Мухаммедкалый Абылгазиев Чодуев айыл чарба министрлигинде беш жыл орун басар болуп иштеп келгенин, бул жакта тажрыйбасы бар экенин белгилеген болчу.

ЖаңылыктарАйыл чарбаминистрликКубатбек БороновЭркинбек Чодуев