​Кытайдагы жер титирөө Кыргызстан, Казакстанда сезилди

Жаңылыктар

Сейсмология институтунун маалыматына ылайык, кечээ, 19-январда, саат 19:27де Кытайдын аймагында очогунда күчү 6,5 баллга жеткен жер титирөө катталган.

Жер титирөө Нарын облусунун Ат-Башы районунда 3 балл, Нарын шаарында 2,5 балл жана Ош облусунун Алай районунун Нура айылында 2,5 баллга чейин сезилген.

Жер титирөөдөн жабыркагандар жана кыйроолор катталган жок.

Бул тууралуу өзгөчө кырдаалдар министрлигинин басма сөз кызматы билдирди.

Жер титирөө ошондой эле Казакстанда да 3-4 баллга жеткендигин казак ЖМКсы кабарлоодо.

Иллюстрациялык сүрөт.

Жаңылыктаржер титирөөКытай.Кыргызстан