Чычкан жылы алдында Ашхабадда чычкан көбөйдү
- 4 года мурун
Азаттыктын» түркмөн кызматы Жаңы жыл майрамынын алдында Ашхабадда чычкан менен келемиш өтө көбөйгөнүн билдирүүдө.
Маалыматка караганда, чычкан менен келемиштер үйлөрдүн жер төлөлөрүндө, көчөлөрдө жана көрүстөндөрдө өтө көп кездешүүдө.
— Менин тааныштарым Аннау аркылуу Яшлыктан Ашхабадга тез-тез каттайт. Алар жолдо нары-бери өткөн чычкандарды көрүп айран-таң калышууда. Бир жолку каттам учурунда эле жыйырмадай чычканды кездештиришет экен, – деди ашхабаддык тургун.
Кемирүүчүлөрдүн көп болуп жатышы аларды жок кылуучу дармектерди тартыштыгы жана мышык азайгандыгы менен түшүндүрүлүүдө.
Түркмөнстан борборунда кемирүүчүлөр жана курт-кумурскалар маал-маалы менен тез тарап турат. Жергиликтүү тургундар бул көйгөй менен өз алдынча күрөшүүгө мажбур.
Бул тууралуу Борбор Азия жаңылыктар кызматы кабарлады.
Сүрөт: Интернет бувлактарынан.
