Оренбургда жол кырсыгынан каза тапкандардын тек-жайы аныкталды

Жаңылыктар

Кечээ, 8-декабрда, Россиянын Оренбург облусунун Соль-Илецк шаардык аймагында, Оренбург-Акбулак жолунун 76-чакырымында ири автокырсыктан каза тапкан кыргызстандык төрт жарандын тек-жайы аныкталгандыгын Россиядагы элчилик кабарлады.

Анда Toyota Previa менен Mercedes-Benz Sprinter машинасы кагылышкан.

Кырсыкка кабылган Toyota Previa машинасында бара жаткан кыргызстандык төрт жаран каза тапкан.

Дагы үчөө Соль-Илецк шаарындагы ооруканага жаткырылган. Бүгүн, 9-декабрда, алар ооруканадан стационарга которуларын элчилик билдирди. Ал эми Mercedes-Benz Sprinter унаасындагы өзбекстандык жаран да ооруканада.

Тиешелүү иш-чаралардан кийин каза тапкандардын сөөгү Мекенине жөнөтүлөт.

Бул окуя элчиликтин көзөмөлүндө экени, Оренбургдагы ардактуу консул кыргыз диаспорасы менен бирге жеринде иш алып барып жатканы кабарланды.

ЖаңылыктарРоссияОренбургжол кырсыгыкыргызстандыкКыргызстандын Россиядагы элчилиги