​Акыйкатчы Мамытов Атамбаевге жолугуп чыкты

Жаңылыктар

Бугүн, 18-октябрда, акыйкатчы Токон Мамытов Улуттук коопсуздук комитетинин тергөө абагында жаткан мурдагы президент Алмазбек Атамбаевге жолугуп чыкты.

Бул тууралуу Акыйкатчынын басма сөз кызматы кабарлады.

Жолугушууда Алмазбек Атамбаев тергөө абагындагы абалга дооматы жок экендигин билдирди.

Мурдагы президент Атамбаевге Кой-Таштан мыйзамсыз жер алган, бийлик өкүлүн коркутуу, массалык баш аламандык, кылмышка аракеттенүү, барымтага алуу, куралдуу ок-дарыларды мыйзамсыз жүгүртүү жана ЖЭБ модернизациясы жана Батукаевди бошотуу боюнча оор жана өзгөчө оор кылмыштар боюнча айып тагылган.

Ал 26-октябрга чейин камакта боло тургандыгы тууралуу чечим чыккан.

Сүрөт: Интернет булактарынан.

ЖаңылыктарКыргызстанБишкекакыйкатчыТокон МамытовАлмазбек Атамбаев