​Манас Арабаев 2-ноябрга чейин үй камагында калды

Жаңылыктар

Президенттик аппараттын сот реформасы бөлүмүнүн мурдагы башчысы Манас Арабаев 2-ноябрга чейин үй камагында калды.

Мындай чечимди Бишкек шаарынын Биринчи май райондук соту 29-августта кабыл алды.

Манас Арабаев 2018-жылдын 15-майында кызматтан алынган.

Кызматтан алуу саясий жетекчилик жүргүзүп жаткан саясатка туура келбегендиги, саясий жетекчиликтин ишениминен чыккандыгы менен байланыштуу деп айтылган.

Улуттук Коопсуздук Комитетинин Коррупцияга каршы кызматы 3-июнда президенттик аппараттын сот реформасы жана мыйзамдуулук бөлүмүнүн экс-башчысы Манас Арабаевди кармаган.

Биринчи май райондук соту 4-июнда Арабаевдин баш коргоо чарасын карап, аны 3-июлга чейин камакта калтырган болчу.

Манас Арабаев мурдагы президент Алмазбек Атамбаевдин жубайы Раиса Атамбаевага каршы көрсөтмө бергендиги маалым болгон.

Анын видеосу «Ала-Тоо-24» каналынын «Көлөкө. Инвесторлордун мүлкүнө кол салган Атамбаевдин эн жакын адамдары» аттуу фильмде айткандары жарыя болду.

Сүрөт: Интернет булактарынан.

ЖаңылыктарМанас АрабаевБиринчи май соту