​Чүйдө бир күндө эки ирет үч эм наристе төрөлдү

Жаңылыктар

Чүй облусунда бир күндө эки ирет үч эм наристе жарыкка келди.

Бул тууралуу Өкмөттүн Чүй облустук өкүлчүлүгү сүйүнчүлөдү.

29-июлда 26 жаштагы Ырыс Шаршеева үч эм төрөсө, андан кийин 40 жаштагы Олеся Томилова да үч эмди жарыкка алып келди.

5-августта Шаршеева ымыркайлары менен үйүнө чыгарылды. Томилова да чүрпөлөрү менен жакында чыгарылат.

Кубанып турган үй-бүлөлөргө облустун губернатору Алтынбек Намазалиев материалдык жардам көрсөттү.

ЖаңылыктарКыргызстанЧүйүч эмАлтынбек Намазалиев