​БУУ: Кыргызстан дүйнөдө биринчи болуп жарандык алуу көйгөйүн чечти

Жаңылыктар

Бириккен Улуттар Уюму Кыргызстан жарандык берүүдө чыныгы секирик жасаганын белгиледи. Беш жыл аралыгында жарандыгы жок кишилер 13 миңден такыр, 0 гө чейин кыскарды.

Бул тууралуу БУУнун Жаңылыктар кызматы Качкындар иштери боюнча башкармалыкка шилтеме берүү менен билдирди.

Маалыматтарга караганда, Кыргызстанда 4-июлда 50 киши, анын ичинде 15 бала туулгандыгы тууралуу күбөлүк жана паспорт алды.

БУУ алар өлкөдө жарандык ала элек акыркы адамдар болгонун билдирди.

«Советтер Союзу тарагандан кийин Борбор Азияда жүз миңдеген киши жарандык албай калган.

Качкындар башкармалыгынын 2014-жылы баштаган #Ibelong кампаниясынын алкагында Кыргызстан бийлиги жарандыгы жок 13 700 кишини, анын ичинде 2000 баланы аныктаган жана тиешелүү чара көрүп баштаган.

#Ibelong кампаниясы 2024-жылга карата дүйнөдө жарандыгы жоктордун маселесин толугу менен чечүүгө багытталган», - деп айтылат билдирүүдө.

Дүйнөдө 10 миллиондой кишинин жарандыгы жок. Алар ээн-эркин жүрө албайт, көп учурда кодулоого туш болушат.

Сүрөт: Интернет булактарынан.

ЖаңылыктарКыргызстанБириккен Улуттар Уюмужарандык