​Экс-президент Атамбаевди колдогон депутаттар Конституциялык палатага кайрылды

Жаңылыктар

Жогорку Кеңештин депутаттары Ирина Карамушкина, Асел Кодуранова жана Карамат Орозова Жогорку Кеңештин иш-аракеттерине даттанып, Конституциялык палатага кайрылды.

Бул тууралуу ЖМКга КСДП саясий кеңешинин мүчөсү Нурбек Касымбеков билдирди.

25-июнда депутаттардын Конституциялык палатага кайрылгандарынын себеби Жогорку Кеңештин экс-президент Алмазбек Атамбаевдин кол тийбестигин алуу боюнча парламенттин атайын комиссиясынын түзүлүшу мыйзамсыз деп эсептешет.

Экс-президентке карата конституциялык ченемдер сакталбай жатат. Себеби экс-президенттин статусу тууралуу мыйзамдын артка кайтуу күчү жок. Ошондой эле Жогорку Кеңештин регламентинде экс-президентти жазага тартуу маселеси каралган эмес.

Бул маселеде Жогорку Кеңеш өзүнүн полномочиесин ашыра пайдаланган деп эсептейт Конституциялык палатага кайрылгандар.

Сүрөт: Интернет булактарынан.

ЖаңылыктарАлмазбек АтамбаевИриниа КарамушкинаКарамат ОрозоваАсел КодурановаКонституциялык палатакайрылуу