​Жээнбеков Кытайда форумга катышты

Жаңылыктар

Президент Сооронбай Жээнбеков бүгүн, 26-апрелде, Пекин шаарында «Бир алкак – бир жол» форумунун ачылышына катышты.

Бул тууралуу Президенттин басма сөз кызматы билдирди.

Анда КЭР Төрагасы Си Цзиньпинь, Россия Президенти Владимир Путин, Казакстандын биринчи президенти Нурсултан Назарбаев, Малайзия Премьер-министри Махатхир Мохамад, БУУ Башкы катчысы Антониу Гутерреш жана башка делегация башчылары сөз сүйлөштү.

Эртең, 27-апрелде, Президент Сооронбай Жээнбековдун «Бир алкак – бир жол» форумунун биринчи сессиясында сөз сүйлөөсү күтүлүүдө.

Форумдун ишине 187 өлкөнүн делегациясы катышып жатат, анын ичинде 37 өлкөнүн мамлекет жана өкмөт башчылары келишкен.

Расмий сүрөт.


ЖаңылыктарКыргызстанКытайПекин"Бир алкак-бир жол"форумСооронбай Жээнбеков