​ИИМ кызматкерлери миллион сомдон ашык акчаны кымырып алган

Жаңылыктар

Ички иштер министрлигинин (ИИМ) 10-бөлүмүнүн кызматкерлери 1 млн. 40 миң сомду кымырып алган.

Бул тууралуу Башкы прокуратуранын басма сөз кызматы кабарлады.

Бишкек шаар прокуратурасы менен ИИМдин Ички иликтөө кызматы административдик мыйзам бузуудан жана виза режимин бузган чет өлкөлүктөр төлөгөн айыптан түшкөн каражат кымырылган коррупциялык схеманы аныкташты.

Маалыматка ылайык, 2015-жылдан 2018-жылга чейин ИИМдин Ленин, Свердлов райондорунун ички иштер башкармалыктарынын 10-бөлүмүнүн кызматкерлери «Р» аттуу компания менен келишип алып, 104 мыйзам бузуудан 1 млн. 40 миң сом кымырышкан. Алар айып катары төлөнүүчү акчаны «Р» компаниясынын кассасы аркылуу өздөрүнө алышкан. Бул кылмышты жашырыш үчүн кийин документтерди жок кылышкан.

Учурда факт боюнча Улуттук коопсуздук боюнча мамлекеттик комитет (УКМК) соттук өндүрүшкө чейинки тергөөнү баштап, иш Кылмыш менен жоруктардын бирдиктүү реестрине катталды.

ЖаңылыктарИИМкоррупция