25 апрель 2018
Бишкек убактысы: 23:57


Жогорку сот митинг өткөрүүгө тыюу салган сот чечимин жокко чыгарды

Бүгүн Жогорку сот тынч митингдерди өткөрүүгө байланыштуу “Жашылдар” партиясынын арызын карады. Партиянын жетекчиси Эркин Бөлөкбаевдин айтымында, партия Ленин райондук сотунун 1-апрелден 15-апрелге чейин митинг өткөрүүгө тыюу салган чечимин жокко чыгарууну соттон өтүнгөн.

Буга чейин Бишкек шаардык соту чечимди жокко чыгаруу тууралуу партиянын арызын карап, бирок аны канааттандырган эмес. Райондук соттун чечимин Жогорку соттун жарандык иштер боюнча соттук коллегиясы карап аны жокко чыгарган.