26 сентябрь 2018
Бишкек убактысы: 10:20


Жалал-Абадда жаңы коалиция түзүлүп, мэрликке талапкерлер көрсөтүлдү

Жалал-Абад шаардык кеңешинде бүгүн “Үлгүлүү шаар үчүн” деген аталышта жаңы колиция түзүлүп, мэр шайлоого талапкерин сунуштады.

Курамына КСДП, “Өнүгүү-Прогресс”, “Мекеним Кыргызстан” фракциялары кирген көпчүлүк коалиция шаардык кеңештин азыркы төрагасы, «Ата-Журт» фракциясынын мүчөсү Мураталы Тагаевди шаар башчылыкка көрсөттү.

Ал эми «Ата-Журт» фракциясы Шайырбек Ташиевди талапкер катары сунуштаганын  Аймактык шайлоо комиссиясынан кабарлашты. Шайырбек Ташиев Жогорку Кеңештин мурдагы депутаты Камчыбек Ташиевдин бир тууганы.

“Ата-Журт” жана “Кыргызстан” фракциялары азчылыкта калды. Мэр шайлоо 11-июнга белгиленген.