17 декабрь 2018
Бишкек убактысы: 18:35


Сапар Исаковго кылмыш иши козголду

Экс-премьер-министр Сапар Исаковго Бишкек Жылуулук электр борборун (ЖЭБ) модернизациялоодогу 386 млн. доллар кытай насыясын максатсыз пайдаланганы үчүн Кылмыш-жаза кодексинин 303-беренесинин 1-бөлүгү («Коррупция») менен кылмыш иши козголду.​ Козголгон кылмыш ишин «таптакыр чектен чыгуу» деп баалады Сапар Исаков.

Ал алты сааттан ашык сурак берип чыккан соң тагылган айып менен толук тааныша электигин айтып,

— Мага айып тагуу боюнча токтомду чынын айтсам толугу менен окуп чыга элекмин. Мен азыр ачуума чыдабай турам. Адегенде социалдык тармактарда, маалымат каражаттарында Сапар Исаковдун атын тебелешти. Андан соң ушундай антураж түзүп, кылмышкер катары көрсөткүсү келип жатышат. Биз эми адвокаттар менен тыгыз иштеп, күнөөсүз экенибизди далилдейбиз. Бул таптакыр чектен чыгуу, мен нес болуп турам, — деди.