15 декабрь 2018
Бишкек убактысы: 03:32


Дүйнөнү дүңгүрөткөн көчмөндөр оюну сандар менен

Үчүнчү Дүйнөлүк көчмөндөр оюндары Ысык-Көлдө өтүп жатат. Кечээ Бактуу-Долоноту айылында жайгашкан ат майданда салтанаттуу түрдө ачылды. Биз бул оюн тууралуу фактыларды бир материалга топтоого аракет кылдык.

III Дүйнөлүк көчмөндөр оюндарына 77 өлкөдөн 3 миңден ашык спортчу келди.

Жаштар иштери, дене тарбия жана спорт агенттигинин маалыматына караганда,  катышуучулар күрөш, алыш, ат чабыш, жаа атуу сыяктуу спорттун 37 түрү боюнча күч сынашат.

Ушул күнгө чейин оюндарга катышуу үчүн 66 мамлекеттен жана Орусиянын он бир субъектисинен 1556 киши арыз берген.

Быйылкы жылы 594 медал ойнотулат. Анын 174ү алтын, 173ү күмүш, 247си коло.

Жалпы байге фонду 28 миллион сом деп эсептелди.

Салтанатка Кыргызстан, Түркия, Казакстан, Татарстан президенттери, Венгрия премьер-министри, БАЭге караган Фужейра эмирлигинин мураскер канзаадасы күбө болуп жатышат.

Көчмөндөр оюнунун ачылышында 1000 адам бир учурда Манас айтып, 1000 адам темир комуз ойноду.

Кыргызстан Көчмөндөр оюндарын 2014-жылы биринчи жолу өткөргөн. Ага 19 өлкөдөн 583 спортчу катышкан. Мелдештер этноспорттун 10 түрү боюнча өткөрүлгөн.

Ал эми 2016-жылы экинчи Дүйнөлүк Көчмөндөр оюндарына 62 өлкөнүн 1200 спортчусу катышкан. Мелдештер этноспорттун 26 түрү боюнча өткөрүлгөн.

 

Сүрөттөр Султан Досалиевдики