15 август 2018
Бишкек убактысы: 18:25


Абдыкалык Рустамов: КР Курчап турган чөйрөнү коргоо жана токой чарбасы агенттигинин башчысы: “Коммерциялык аңчылык жолго салынган”


Агенттиктин башчысы А. Рустамов бүгүн, 30-мартта, Жогорку Кеңештин КСДП фракциясында экологиялык коопсуздукту камсыздоо боюнча маалымат берди.
Өткөн жылы жапайы жан-жаныбарларды сактоо жаатында бир катар чаралар көрүлгөн, айрыкча коммерциялык аӊчылыкты жолго салуу аракеттери колго алынган.
«Мисалы, өткөн жылы атайын уруксат менен атылып алынган 79 аркардан 35 млн 550 миӊ сом, 2 бугудан 60 миӊ сом түштү. Ал эми тоо текеге аӊчылык кылуудан 21 млн сом өлчөмүндө каражат алынды» деди Рустамов.
Андан тышкары, чет өлкөлүк аӊчылар тарабынан 15 миӊ сомго 8 карышкыр атылган. «Эгерде карышкыр жергиликтүү жарандар тарабынан атылса, тескерисинче, мамлекет аларга 6 миӊ сом өлчөмүндө сый акы төлөп берет. Ал эми карышкыр чет өлкөлүк аӊчы тарабынан атылса, алар мамлекетке төлөйт» деди агенттиктин жетекчиси.