22 май 2018
Бишкек убактысы: 06:24


Сапар Исаков кыргыз-өзбек чек арасындагы окуяны териштирүүнү тапшырды

Премьер-министр Сапар Исаков тийиштүү ведомстволорго чек арадагы өзбек тараптын катышуусунда болгон окуяны териштирүү тапшырмасын берди.

Бүгүн  7-апрелде, Жалал-Абад облусунун Аксы районунун Мамай тилкесинде белгисиз себептерден өзбек чек арачылары Кыргыз Республикасынын жаранына ок чыгарган.

КР Мамлекеттик чек ара кызматынын маалыматы боюнча бул окуядан кийин 1984-жылы туулган КР жараны М.Ф.М. Кыргызстандын аймагында аймагында каза тапкан.

Окуя болгон жерге ыкчам топ жөнөп кетти. Тийиштүү кызматтар анын себептерин изилдеп жатышат.

Премьер-министр Сапар Исаков кыргыз-өзбек чек арасында каза тапкан М.Ф.М. үй бүлөсүнө 100 миң сом өлчөмүндө материалдык жардам көрсөтүү тууралуу чечим кабыл алды.

Бул тууралуу Өкмөттүн аппаратынын коомчулук жана ЖМК менен байланышуу бөлүмү маалымдады.