14 декабрь 2018
Бишкек убактысы: 08:32


Окуучуну сүзүп кеткен айдоочу камакка алынды

Биринчи класстын окуучусун сүзүп кеткен казакстандык жаран Бишкек шаардык ички иштер башкармалыгынын убактылуу кармоочу жайына камалды. Бул тууралуу шаардык ИИБдин  басма сөз кызматынан билдиришти.

5-декабрда Казакстандын жараны жүк ташуучу унааны башкарып бара жатып, “зебрадан” өткөнү жаткан окуучуну коюп кеткен. Ал кыз окуя болгон жерде  жан берген.

Аталган иш боюнча кылмыш иши козголгон. 7-декабрда сот бөгөт коюу чарасын чыгарат.

Күбөлөрдүн айтымында, айдоочу светофордун кызыл белгисинен өтүп кетип, жолдон өткөнү жаткан кызды уруп кеткен. Машинанын ылдамдыгы саатына 80 км болгон.

Сүрөт: шилтемеси.