17 ноябрь 2018
Бишкек убактысы: 18:38


Маркум журналисттер эскерилет

Бугун, 7-ноябрь, басма сөз жана маалымат күнү. Ошондой эле тарых жана ата-бабаларды эскерүү күнү. Мына ушул эки даңктуу күнү демилгелүү топ, анын башында турган журналист Элнура Кулуева Бишкекте бүгүн маркум журналисттерди эскерүү иш-чарасын  уюштурууга камданып жатат.

Кыргызстан эгемендик алгандан бери жүздөн ашуун журналисттер кайтыш болду. Кечээ жакында Султанбек Жумагулов, Уланбек Эгизбаев, Салтанат Саматова, Исмаид Мамытов көз жумса,  андан мурда  элибиз бир далай чыгаандардан айрылган. Айтылуу журналисттер Геннадий Павлюк, Мелис Эшимканов, Алым Токтомушев, Жолдошбек Зарлыкбеков,  Жумабек Оморов, Базарбай Буканбеков, Болот Асисов, Арзыкан Кожомбердиева жана башка кесиптештерден айрылдык.