15 декабрь 2018
Бишкек убактысы: 03:07


Көл жээгинде олимпиадалык борбор курулат

Жолугушуу учурунда

Мухаммедкалый Абылгазиев бул тууралуу  Өспүрүмдөрдүн жайкы, 2018-жылкы Буэнос-Айрес шаарында өткөн Олимпиадалык оюндарында ийгиликтерди багынткан атамекендик спортчулар менен бүгүн, 1-декабрда, жолугушууда билдирди.

Премьер-министр Ысык-Көл жээгинде  олимпиадалык борбордун курулушу башталаарын белгиледи, анда спортчулардын ири эл аралык таймаштарга даярдык көрүү мүмкүнчүлүгү пайда болот.

Жолугушууга грек-рим күрөшү боюнча күмүш байге ээси – Элмирбек Садыров, сүзүү боюнча күмүш байге ээси – Денис Петрашов, фехтованиеден коло байгенин жеңүүчүсү – Хасан Баудунов, ошондой эле алардын жеке машыктыруучулары катышты.

Жаштар иштери, дене тарбия жана спорт мамлекеттик агенттигинин директору Канат Аманкулов кошумчалагандай, ведомство тарабынан Өспүрүмдөр олимпиадасында өзгөчөлөнгөн спортчуларды 2020-жылы Токио шаарындагы  жайкы Олимпиада оюндарына даярдоого  көмөк көрсөтүлөт.
Бул тууралуу Өкмөттүн маалыматтык камсыздоо бөлүмү билдирди.

Сүрөт: Өкмөттүн маалыматтык камсыздоо бөлүмү